© 2000-2025 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
6.6.2015 | 15:00 | Kristinn | Landslið
Sex voru líka með á Smáþjóðaleikunum fyrir tveimur árum
Í dag kl. 16.00 leikur íslenska karlalandsliðið til úrslita á Smáþjóðaleikunum 2015 í Laugardalshöllinni. Frítt er á leikinn og hvetjum við alla áhugsama körfuknattleiksaððdáendur til að mæta og styðja við bakið á liðinu.

Helmingur íslenska hópsins hjá karlalandsliðinu á Smáþjóðaleikunum í ár var einnig með fyrir tveimur árum þegar íslenska liðið endaði í þriðja sæti á Smáþjóðaleikunum í Lúxemborg.

Það er því örugglega hugur í íslenska hópnum að gera betur í Laugardalshöllinni þar sem leikirnir fara fram enda liðið nú á heimavelli í aðeins annað skiptið í söguSmáþjóðaleikanna. 

Íslenska landsliðið náði bronsinu á Smáþjóðaleikunum 2013 eftir tvo sigra og tvö töp í fjórum leikjum. Íslenska liðið vann San Marínó og Andorra en tapaði fyrir Lúxemborg og Kýpur.

Íslenska liðið fór reyndar bara með tíu leikmenn á leikana 2013 þar sem að tveir leikmenn íslenska liðsins þurftu að draga sig út úr hópnum á síðustu stundu vegna meiðsla en það voru þeir Hörður Axel Vilhjálmsson og Finnur Atli Magnússon. Hörður Axel missir nú af öðrum Smáþjóðaleikunum í röð vegna meiðsla. 

Það eru því sextíu prósent af þeim leikmönnum sem spiluðu síðasta leik íslenska karlalandsliðsins á Smáþjóðaleikum sem verða með í fyrsta leiknum í Höllinni sem verður á móti Andorra á miðvikudaginn 3. júní.

Fimm leikmannanna sem voru með fyrir í Lúxemborg fyrir tveimur árum voru þá að keppa á sínum fyrstu Smáþjóðaleikum en það voru þeir Axel Kárason, Ægir Þór Steinarsson, Elvar Már Friðriksson, Martin Hermannsson og Ragnar Ágúst Nathanaelsson.

Brynjar Þór Björnsson var hinsvegar að keppa á sínum öðrum leikum en hann hafði verið með þegar gullið vannst í Mónakó sex árum fyrr þá aðeins 19 ára gamall.

Ægir Þór Steinarsson og Brynjar Þór Björnsson voru stigahæstu leikmenn íslenska liðsins á leikunum 2013, Ægir Þór með 14,3 stig í leik en Brynjar Þór með 12,8 stig í leik. Þeir skoruðu líka flestar þriggja stiga körur, Ægir skoraði ellefu þrista og Brynjar tíu.

Stig leikmanna á Smáþjóðaleikunum fyrir tveimur árum:
Ægir Þór Steinarsson · 57
Brynjar Þór Björnsson  · 51
Jón Ólafur Jónsson · 35
Jóhann Árni Ólafsson · 35
Magnús Þór Gunnarsson · 28
Axel Kárason · 24
Ragnar Nathanaelsson · 21
Justin Shouse · 15
Elvar Már Friðriksson · 7
Martin Hermannsson · 6
Mótayfirlit
Mótayfirlit allra flokka
Kristinn Óskarsson tekur við viðurkenningu frá Hannesi Jónssyni formanni KKÍ í tilefni af 1000. leiknum sem Kristinn dæmdi á mótum á vegum KKÍ. Kristinn er aðeins þriðji dómarinn til að ná þessum merka áfanga en kollegar hans Jón Otti Ólafsson og Rögnvaldur Hreiðarsson hafa einnig náð að kljúfa 1.000 leikja múrinn.
Leikur nr. 1.000 var viðureign Vals og Reynis frá Sandgerði í 1. deild karla 4. janúar 2008.
DómarahorniðLeiðararTölfræðiSaganViðtalið