Al íslenskt FIBA dómarateymi var á leik Lúxemborgar og Möltu í dag á Smáþjóðaleikunum. En þeir Aðalsteinn Hjartarson, Leifur S. Garðarsson og Sigmundur Már Herbertsson sáu um dómgæsluna og Pétur Hrafn Sigurðsson var eftirlitsmaður. Er þetta í fyrsta sinn í alþjóðlegum leik sem dómarateymið er al íslenskt.

Hafa þeir félagar verið lengi að en Leifur tók frá sér frí frá dómgæslu um tíma til að sinna knattspyrnuþjálfun og Aðalsteinn þurfti að hvíla sig frá dómgæslunni um tíma vegna meiðsla.

Aðalsteinn tók alþjóðlega dómaraprófið árið 1999 en hann lauk dómaraprófi árið 1989.

Leifur tók alþjóðlega dómaraprófið árið 1993 en hann lauk dómaraprófi árið 1987.

Sigmundur tók alþjóðlega dómaraprófið árið 2003 en hann lauk dómaraprófi árið 1994.

Pétur Hrafn Sigurðsson tók alþjóðlegt próf sem eftirlitsmaður árið 1993.