Fyrsti stjórnarfundur nýrrar stjórnar KKÍ fór fram í gærkvöldi. Fyrsta verk stjórnar var að skipta með sér verkum og að tillögu formanns Hannesar S. Jónssonar samþykkti stjórnin eftirfarandi:

Guðbjörg Norðfjörð verður varaformaður, Eyjólfur Þór Guðlaugsson verður gjaldkeri og Rúnar Birgir Gíslason verður ritari.

Stjórnin skipaði formenn fastanefnda. En nefndarskipan verður kláruð á næsta stjórnarfundi. Formenn nefnd verða:
Mótanefnd: Lárus Blöndal
Dómaranefnd: Rúnar Birgir Gíslason
Fræðslunefnd: Guðbjörg Norðfjörð
Afreksnefnd: Páll Kolbeinsson

Á síðasta körfuknattleiksþingi var kosið í aga- og úrskurðarnefnd og áfrýjunardómstól samkvæmt lögum.

Nokkrum málum var vísað til stjórnar frá síðasta Körfuknattleiksþingi. M.a. þess sem stjórnin tók ákvörðun um var að í 1. deild karla verði úrslitakeppnin stækkuð. Nú mun þurfa að vinna þrjá leiki í undanúrslitum sem og úrslitum um laust sæti í efstu deild. Áfram verða tvær umferðir í deildakeppninni. Í fyrirtækjabikar KKÍ verður öllum úrvals- og 1. deildarliðum boðin þátttaka. Leikjafyrirkomulag verður ákveðið þegar í ljós kemur hvernig þátttakan verður. Í meistaraflokkum kvenna er það stefna stjórnarinnar að hafa tvær deildir s.s. úrvalsdeild og 1. deild. Allar ákvarðanir um fjölgun í úrvalsdeild kvenna verður teknar þegar skráningu lýkur en henni lýkur þann 1. júní. Öðrum málum er var vísað til stjórnar af körfuknattleiksþingi var vísað til næsta stjórnarfundar.