Evrópukeppni drengja 18 ára og yngri lauk um helgina í Zaragoza á Spáni. Það voru heimamenn sem fóru með sigur af hólmi eftir úrslitaleik gegn Tyrkjum. Þetta var annar titill Spánverja í þessum flokk en síðast unnu þeir 1998 þegar menn eins og Pau Gasol og Juan Carlos Navarro léku með þeim.
Úrslitaleikurinn var eign Spánverja og var aldrei vafi hver færi með sigur af hólmi og endaði leikurinn með 18 stiga sigri, 89-71.
Besti maður Spánverja í leiknum og besti leikmaður mótsins var Sergio Rodriguez, hann skoraði 20 stig í úrslitaleiknum og gaf 11 stoðsendingar og þegar hann var tekinn af velli í lokin risu áhorfendur úr sætum og hylltu hann. Hann var þó ekki stigahæstur því Carlo Suarez skoraði 27 stig og Jose Angel Antelo 22 stig.
Hjá Tyrkjum skoraði Hakan Demirel 21 stig og Engin Bayav 17 stig.
Það voru svo Frakkar sem enduðu í 3. sæti eftir leik við Ítali um það sæti.