Nú í hádeginu afhenti Ellert B. Schram, forseti ÍSÍ, þjálfarastyrki Verkefnasjóðs ÍSÍ vorið 2004. Alls bárust 37 umsóknir, 22 frá karlmönnum og 15 umsóknir frá konum. Íþróttagreinar umsækjenda eru alls 14. Fjórir körfuknattleiksþjálfarar fengu styrkinn að þessu sinni, 25 þúsund kr. hver.

Alls eru veittir 5 styrkir að upphæð kr. 50.000 hver og 14 styrkir að upphæð kr. 25.000. Heildarúthlutun styrkja er kr. 600.000,- til 10 íþróttagreina. Alls bárust 37 umsóknir, 22 frá karlmönnum og 15 umsóknir frá konum. Íþróttagreinar umsækjenda eru alls 14.

Eftirtaldir körfuknattleiksþjálfarar fengu styrkinn að þessu sinni:

Baldur Ingi Jónasson
Útskrifaðist frá Íþróttakennaraskóla Íslands árið 1994 og hefur starfað mikið við körfuknattleiksþjálfun á Ísafirði. Hlýtur styrk til þess að sækja körfuknattleiksnámskeið í Belgrad í águst nk.

Bjarni Gaukur Þórmundsson
Útskrifaðist frá Íþróttakennaraskóla Íslands árið 1997 og hefur sótt flest öll námskeið hérlendis í körfuknattleik undanfarin 12 ár. Hefur þjálfað á vegum Breiðabliks undanfarin ár auk þess sem að þjálfa mfl. karla á Selfossi. Þá hefur Bjarni verið duglegur að kenna á námskeiðum íþróttahreyfingarinnar. Hlýtur styrk til þess að sækja körfuknattleiksbúðir í Serbíu.

Hrafn Kristjánsson
Útskrifaðist frá Íþróttakennaraskóla Íslands árið 1998. Hrafn hefur þjálfað yngri flokka í körfuknattleik hjá KR og á Ísafirði. Þá hefur hann þjálfað mfl. karla og kvenna á Ísafirði en mun þjálfa hjá Þór á Akureyri á komandi ári. Hlýtur styrk til þess að sækja körfuknattleiksnámskeið í Belgrad í águst nk.

Óskar Þórðarson
Útskrifaðist frá Kennaraskóla Íslands - Íþróttaskor árið 2000 og stundar nú nám við Íþróttaháskólann í Osló og lýkur þar masternámi um næstu áramót. Hefur þjálfar körfuknattleik hjá Þór Þorlákshöfn auk þess sem hann hefur starfað sem körfuknattleiksþjálfari í Noregi samhliða námi. Hlýtur Óskar styrk til þess að sækja körfuknattleiksnámskeið í Belgrad í ágúst nk.