Dagana 16. til 20. ágúst verður haldið þjálfaranámskeið fyrir körfuknattleiksþjálfara á Íslandi, svokallað Young coaches 2000 program. Námskeiðið veitir þjálfunar fyrsta stigs réttindi til þjálfunar í Evrópu. Á næsta ári verður svo haldið annað stig og á það námskeið komast aðeins þeir sem lokið hafa fyrsta stigi.

Námskeiðið er ætlað þjálfurum á aldrinum 18 til 35 ára sem eru að þjálfa leikmenn á aldrinum 8-18 ára. Það er FIBA-Europe og European Association Basketball Coaches sem standa fyrir þessu námskeiði og eru það Ítalinn Maurizio Mondoni og Ungverjinn Laszlo Killik sem koma.

Á námskeiðinu verður farið í öll helstu atriði yngri flokka þjálfunar og að námskeiðinu loknu verður hver þátttakandi metinn og fær skírteini um að hann hafi lokið 1. stigi alþjóðlegrar þjálfunarmenntunar.

Reiknað er með að námskeiðsgjald verði í kringum 5000 kr og er þátttakendafjöldi takmarkaður við 30 manns.