Jón Arnór Stefánsson var í byrjunarliði Dallas Mavericks í gærkvöldi þegar liðið tapaði fyrir kínverska landsliðinu, 80-85. Jón Arnór skoraði átta stig í leiknum og fær góða dóma á spjallþráðum í Bandaríkjunum.

Leikurinn var fyrsti af þrem æfingaleikjum milli liðanna. Þeir leikmenn sem taka þátt frá Dallas eru leikmenn sem leika munu fyrir hönd félagsins í sumardeildinni, aðallega nýliðar. Jón þótti minna um margt á Steve Nash, sem óvænt var seldur til Phoenix Suns. Jón Arnór þótti gefa góðar sendingar á félaga sína í sókninni og leika góðan varnarleik. Í fyrsta leikhluta gerði Jón 5 stig í kjölfar þess að hafa farið upp að körfunni og sótt að Yao Ming, hinum hávaxna miðherji Kínverja.

Nánar hér.