Körfuknattleiksdeild Breiðabliks hyggst bjóða Kópavogsbúum bolta til afnota á körfuboltavöllum í bænum. Boltarnir verða til taks við flest allar útikörfur í bænum og gefst fólki kostur á að nota þá.

Að sögn Eggerts Baldvinssonar, formanns körfuknattleiksdeildarinnar, er hér um að ræða spennandi verkefni sem ætti að auka notkunina á körfuboltavöllum í bænum og vonandi um leið efla ennfrekar áhugann á íþróttinni í Kópavogi.

Verkefnið fer í gang nú í byrjun júlí og stendur þangað til grunnskólar hefjast í lok ágúst. Af vef Breiðablik.