Að frumkvæði Evrópusambandsins er árið 2004 tileinkað menntun með iðkun íþrótta og í dag, þriðjudaginn 29. júní 2004 setur Menntamálaráðherra með formlegum hætti Evrópuárið á Íslandi.

28 Evrópuþjóðir taka þátt í þessu Evrópuári og bera stærstu íþróttaviðburðir ársins keim af markmiðum ársins og um alla Evrópu eru í gangi verkefni sem uppfylla helstu markmið Evrópuársins.
Síðari hluta ársins fara fram verkefni á Íslandi sem hafa það að meginmarkmiði að efla tengsl uppeldis og íþrótta, auðvelda aðgengi að íþróttum og að fræða börn, ungmenni og foreldra um íþróttir og íþróttaiðkun, hreyfingu og þá félagslegu þætti sem einkenna íþróttir.

Meginmarkmið þessa Evrópuárs er að vekja almenning í Evrópu til vitundar um mikilvægi íþrótta innan menntunar ásamt því að auka mikilvægi líkamlegra athafna í námskrám skóla.

Mikilvægi íþrótta fyrir einstaklinginn snýst um meira en líkamlegt hreysti: Umburðarlyndi, sanngirni og hæfni í hópvinnu eru allt hæfileikar sem eru ræktaðir í íþróttum, og það á gáskafullan, líflegan og auðveldan hátt. Með Evrópuári menntunar með iðkun íþrótta vill Evrópusambandið vekja athygli á þessu málefni og má finna frekari upplýsingar á
vefnum .

Af vef ÍSÍ.