Dagatalsfundur KKÍ fyrir veturinn 2015-16 verður miðvikudaginn 27. maí kl. 17.00 í húsakynnum ÍSÍ í Laugardal.

Nokkrum sinnum á síðustu vikum hefur þessi fundur verið kynntur fyrir forráðamönnum félaganna. Þarna gefst öllum félögum tækifæri á því að koma með athugasemdir varðandi keppnisdagatalið 2015-16. Félögin eru hvött til að senda rétt fólk á þennan fund, fólkið sem sér um að raða inn í húsin fyrir körfuboltann (forráðamenn, þjálfara, íþróttastjóra, yfirmenn íþróttahúsa o.s.frv.).

Stefnt er að því að fundurinn verði aðgengilegur í fjarfundarbúnaði. Þeir sem óska eftir því að fylgjast með fundinum þannig þurfa að skrá sig sérstaklega.

Til að tryggja að fundurinn verði sem markvissastur þá er betra að hvert félag sendi a.m.k. einn fulltrúa en að hámarki þrjá.

Senda þarf tilkynningu á kki@kki.is hver er fulltrúi hvers félags í síðasta lagi fyrir kl. 12.00 þriðjudaginn 26. maí.