Deildarkeppni er nú lokið á öllum norðurlöndunum. Danir léku manna lengst og lauk deildarkeppninni þar á mánudaginn þegar SK Århus sigraði Horsens IC í fjórða leik í úrslitum og þar með 3-1. Þess má geta að með SK Århus leikur Flemming Stie sem lék með Tindastól fyrir nokkrum árum.
Í Svíþjóð sigraði Plannja Basket frá Luleå lið Norrköping Dolphins í úrslitum 4-1 og í Finnlandi sigraði Kouvot lið Namika Lahti 3-1 en Kouvot endaði í 4. sæti í deildarkeppninni. Norðmenn luku sinni deildarkeppni fyrir allnokkru en þar sigraði Bærum Verk Jets lið Harstad Vikings 3-2.