Á síðasta ársþingi KKÍ í Stykkishólmi voru samþykktar breytingar á lögum KKÍ með breytingum á 3. mgr. 9. gr. laga sambandsins er fólu það í sér að framboðsfrestur var tekinn upp til trúnaðarstarfa innan stjórnar KKÍ. Reyndar hafa fleiri einingar íþróttahreyfingarinnar farið sömu leið, nú síðast ÍSÍ á Íþróttaþingi um s.l. helgi.

Fyrir komandi þingi KKÍ, sem haldið verður á Selfossi um helgina, liggur fyrir listi um framboð, og er á grundvelli laganna sjálfkjörið í þær stöður innan stjórnar KKÍ.

Aðalmenn í stjórn eru kjörnir til tveggja ára í senn, og er helmingur aðalmanna í kjöri hverju sinni. Varamenn í stjórn eru kjörnir til eins árs í senn. Með hliðsjón af framangreindu mun stjórn KKÍ á næsta starfsári líta þannig út:

Formaður: Ólafur Rafnsson
Meðstjórnandi: Hannes S. Jónsson (er á síðara ári)
Meðstjórnandi: Gísli Páll Pálsson (er á síðara ári)
Meðstjórnandi: Jón Halldórsson (er á síðara ári)
Meðstjórnandi: Gísli Georgsson
Meðstjórnandi: Bjarni Gaukur Þórmundsson
Meðstjórnandi: Eyjólfur Guðlaugsson

Varamaður: Hrannar Hólm
Varamaður: Svali Björgvinsson
Varamaður: Guðbjörg Norðfjörð

Stjórn KKÍ


mt: Ólafur Rafnsson býður sig fram til áframhaldandi setu á formannsstóli KKÍ næstu tvö árin.