Lokahóf KKÍ verður haldið á Hótel Sögu á morgun föstudaginn 16. apríl og hefst borðhald kl. 20.00. Verð í matinn verður kr. 4.200. Húsið opnar eftir matinn kl. 23.30 og kostar 2.000 krónur inn á ballið. Hljómsveitin Desmond mun halda uppi fjörinu ásamt Kalla Bjarna.

Einar Bollason, hinn mikli snillingur, mun verða veislustjóri kvöldsins og stjórna hófinu af alkunnri snilld. Ekki er ólíklegt að Einar stjórni fjöldasöng og þegar hafa allmargir aðilar haft samband við skrifstofu KKÍ og beðið um óskalag; "Rakarann frá Lóni".
Heiðursgestur verður Sturla Böðvarsson samgönguráðherra. Óvænt skemmtiatriði verða í boði.

Á hófinu verða venju samkvæmt veitt öll einstaklingsverðlaun vetrarins til þeirra sem skarað hafa framúr á keppnistímabilinu.