Vefur Njarðvíkinga hefur verið valinn körfuboltavefur mars mánaðar. Það sem einkum gerði útslagið voru skemmtilegar auglýsingar á vefnum.

Í auglýsingunum voru þekktar sjónvarpsauglýsingar skopstældar og einnig brá fyrir frumlegum hugmyndum. Tilgangurinn var að hvetja stuðningsmenn Njarðvíkurliðsins til að fjölmenna á leiki liðsins í úrslitakeppninni.

Í febrúar varð vefur Tindastóls fyrir valinu, en sá vefur hefur verið í stöðugri sókn síðan hann var opnaður.

Vefstjórar Njarðvíkurvefsins eru þeir Ásgeir Guðbjartsson, Skúli Sigurðsson og Davíð Páll Viðarsson. Á myndinni er Ásgeir með bikarinn sem hann fékk afhentan í gær.