Í Morgunblaðinu sl. sunnudag birtist auglýsing þar sem KKÍ óskar eftir að ráða framkvæmdastjóra. Auglýsingin er birt hér að neðan fyrir áhugasama og þá sem ekki sáu auglýsinguna í Morgunblaðinu.

Körfuknattleikssamband Íslands óskar eftir að ráða FRAMKVÆMDASTJÓRA

KKÍ er eitt af stærstu sérsamböndum innan ÍSÍ með um 6000 félagsmenn og 55 aðildarfélög.

Framkvæmdastjóri framfylgir ákvörðunum stjórnar KKÍ. Starfið felur í sér ábyrgð á fjármálum og rekstri KKÍ, samskiptum og samningum við stuðningsaðila sambandsins sem og nefndir KKÍ.
Framkvæmdastjóri sér um samskipti KKÍ við aðildarfélögin, fjölmiðla, ÍSÍ og FIBA.
Hann hefur umsjón með framkvæmd landsleikja og annara viðburða á vegum KKÍ sem og framkvæmd afreksstefnu KKÍ.

Leitað er að öflugum og áhugasömum einstaklingi sem er tilbúinn til að hella sér út í afar fjölbreytt og skemmtilegt starf. Nauðsynlegir kostir eru hæfni í mannlegum samskiptum, frumkvæði, skipulagshæfni og sjálfstæð vinnubrögð.

Umsóknarfrestur er til 15. apríl og skal skila inn umsóknum merktum framvkæmdastjóri til
Körfuknattleikssambands Íslands
Engjavegi 6
104 Reykjavík

Með allar umsóknir verður farið sem trúnaðarmál.

Nánari upplýsingar fást hjá Pétri Hrafni í síma 514-4100 eða petur@kki.is