Stjórn KKÍ hefur skipað sérstakann (Ad hoc) formann aganefndar og er það Jóhannes Karl Sveinsson hæstaréttarlögmaður og fyrrum stjórnarmaður hjá KKÍ, vegna þeirra mála sem nú eru til meðferðar.
Kemur hann í stað Jóns Eysteinssonar formanns sem er vanhæfur þar sem hann tengist liði Keflavíkur og Gunnars Aðalsteinssonar varaformanns nefndarinnar en hann er staddur erlendis. Jón og Gunnar voru skipaðir af stjórn KKÍ og því verður stjórn sambandsins að skipa mann í þeirra stað. Aðrir nefndarmenn eru kosnir á þingi. Ágúst Jóhannesson hefur úrskurðað sig vanhæfan sökum tengsla við Stykkishólm og Snæfell. Þriðji maðurinn í nefndinni, Hrafn G. Johnsen er erlendis.
Varamenn þeirra eru þeir Ingimar Ingason og Skúli Valtýsson og munu þeir dæma málið með Jóhannesi Karli.

Nefndin mun taka málið fyrir kl. 12.00 á morgun þriðjudag og þá verður munnlegur málflutningur félaganna.