Leikið er til úrslita á Íslandsmótinu í körfuknattleik í fleiri flokkum en í mfl. karla. Eins og öllum er kunnugt tekur Keflavík á móti Snæfelli á morgun kl. 17.00 og þriðji leikurinn mun fara fram í Hólminum mánudaginn 5. apríl.

Í Laugardalshöllinni fara fram undanúrslitaleikir og úrslitaleikir í fjölda yngri flokka.

Keppt verður á hverjum degi næstu sex dagana og verða krýndir Íslandsmeistarar í 9. flokki kvenna og karla, 10. flokki kvenna og karla, 11. flokki karla, Drengjaflokki, Unglingaflokki karla og unglingaflokki kvenna. Auk þessara leikja fara fram leikir í úrslitariðli 2. deildar karla í minnibolta og úrslitaleikur í 2. deild karla B-lið. Alls fara fram 25 undanúrslita og úrslitaleikir í Höllinni þessa daga.