Það verður mikið um að vera í Stykkishólmi kvöld þegar Snæfell og Njarðvík mætast í þriðja leik undanúrslita Intersport-deildarinnar. Með sigri getur Snæfell tryggt sér sæti í úrslitaleikjunum um Íslandsmeistaratitilinn. Mikið verður um að vera í Hólminum og mun formleg dagskrá, þar sem margt skemmtilegt verður í boði, hefjast kl. 18:00.

Á meðan stuðningsmenn Njarðvíkinga safna liði og marsere fylktu liði vestur á bóginn eru stuðningsmenn Snæfells að brýna sig fyrir átök kvöldsins. Einn þeirra, hinn hagmælti Hreinn Þorkelsson, hefur dropið niður penna og ritar svo á vef Snæfells:

"Ætla Suðurnesjaljónin að þau eigi möguleika hérna í grýttu Berserkjahrauninu? Hræddur er ég um að þau fari héðan loppusár, halasneypt og svöng á fimmtudag kemur."

"Ástmögur Snæfells hefur áhrif, það er ljóst. TORFI BRÓÐIR. Þar brennur sami eldur í hjarta, þar er sama hamraða stálið í huga og við sjáum í fyrirliðanum okkar. (Gerið þið ykkur annars fulla grein fyrir því að Hlynur er aðeins 21 ÁRS)..........

Nú skelli ég í vísu:

Áhrínstungu Torfi hefur.
Töfrum slungin skeifan er.
Varnarþunginn tálmar, tefur.
Titilhungur okkur sker."

"Það er líka ljóst að það er við andskotann að eiga að spila gegn Snæfelli, þegar þeir spila berserkjavörnina sína. Hún gæti fleytt okkur upp á nær ókleifan hamarinn, sem geymir Íslandsmeistaratitilinn. Aðrar leiðir eru hvorki vænlegri né færar!"

Leikurinn í kvöld hefst kl. 19:15. Ljóst er að áhorfendur ættu að mæta tímalega því búast má við húsfylli.

Það má finna hér á KKÍ-síðunni tölfræðisamanburð á liðum og leikmönnum liðanna í fyrstu tveimur leikjum einvígisins.
Tölfræði einvígisins til þessa