Skallagrímur úr Borgarnesi tryggði sér í gær sigur í 1. deild karla með 122-87 sigri á Fjölni í úrslitaleik deildarinnar. Bæði félögin hafa tryggt sér sæti í Intersport-deildinni að ári.

Skallagrímur hafði mikla yfirburði í leiknum, náði meðal annars 9-0 forystu í byrjun leiks og hafði yfir í hálfleik 50-36. Í fjórða leikhluta jók Skallagrímur enn á fosrskot sitt og vann 35 stiga sigur.

Eftir leikinn afhenti Hannes S. Jónsson varaformaður KKÍ Skallagrímsmönnum Íslandsbikarinn í 1. deild karla við mikinn fögnuð um 400 áhorfenda sem mættu í íþróttahúsið í Borgarnesi.

Þá fékk körfuknattleiksdeild Skallagríms afhentan 100 þúsund króna styrk frá Borgarbyggð vegna góðs árangur liðsins í vetur.

Leikurinn í gær var síðasti meistaraflokksleikurinn sem leikinn er á dúknum í íþróttahúsinu í Borgarnesi, en í vor verður lagt parket á salinn. Gert er réð fyrir að nýja gólfið verði tilbúið í lok júní.

E.t.v. Adolf Hannesson, Ingólfur Valgeirsson, Ari Gunnarsson, Davíð Ásgrímsson, Pálmi Þór Sævarsson, Steve Howard, Flosi Sigurðsson og þjálfarinn Valur Ingimundarson.

N.t.v. Heiðar Lind Hansson, Ragnar Már Steinsen, Egill Örn Egilsson, Sigmar Páll Egilsson og Finnur Jónsson.