Stjörnuleikur FIBA Europe fór fram í Kiev í fyrradag. Þar léku bestu leikmenn úr FIBA Euroleague. Í Evrópuliðinu léku leikmenn fæddir í Evrópu, gegn erlendum leikmönnum sem leika með liðum deildarinnar. Hægt er að lesa meira um leikinn á vef FIBA Europe.

Leikurinn endaði með sigri heimsúrvalsins 91 - 84.

Stjörnuleikurinn tókst mjög vel og var troðfullt hús í Kiev. Meðal áhorfenda á leiknum var Ólafur Rafnsson formaður KKÍ en honum var sérstaklega boðið á leikinn þar sem hann er stjórnarmaður í FIBA-Europe.