Snæfell úr Stykkishólmi tryggði sér í gærkvöld deildarmeistaratitil í Intersport-deildinni með 79-69 sigri á Haukum á heimavelli sínum. Þetta er í fyrsta sinn sem Snæfell vinnur í efstu deild karla, en liðið hefur áður orðið deildarmeistari í 1. deild karla.

Snæfell hefur 36 stig í efsta sæti deildarinnar og á einn leik til góða, gegn KFÍ á Ísafirði í lokaumferð deildarinnar á fimmtudaginn. Athyglisverð niðurstaða þar sem liðinu var spáð sjötta sæti deildarinnar í haust.

Breiðablik féll í 1. deild í gær, en liðið tapaði fyrir Tindastól, 74-89 í Smáranum. Í kvöld er einn leikur mí deildinni, er Keflavík tekur á móti Þór Þ. Tapi Þór leiknum fylgir liðið Blikum niður í 1. deild.