Helgina 5. til 7. mars n.k. fer fram þjálfaranámskeið 1b - almennur hluti í Íþróttamiðstöðinni í Laugardal. Námskeiðið hefst á föstudeginum kl. 18:00 og áætluð lok eru á sunnudeginum kl. 15:00.

Námskeiðið sem er samræmt fyrir allar íþróttagreinar er 20 kennslustundir, að meginhluta bóklegt, og er ætlað leiðbeinendum barna í íþróttum. Haldið verður áfram að fjalla um þroskaferli barna, þ.e. vaxtarþroska og hreyfiþroska. Einnig er fjallað um undirstöðuatriði kennslufræði, mikilvægi rétt mataræðis, fyrstu viðbrögð við íþróttameiðslum og fleira.

Nemandi sem lýkur þessu námskeiði ásamt því að ljúka sérgreinahluta þjálfarastigs 1b hlýtur réttindi sem þjálfari hjá börnum 12 ára og yngri undir eftirliti yfirþjálfara.

Skráning fer fram hjá ÍSÍ, sími: 514-4000 eða með því að senda póst á netfangið: andri@isisport.is
Skráningu þarf að vera lokið í síðasta lagi miðvikudaginn 3. mars n.k. og verðið er kr. 8.000,-

Kennsluáætlun mun liggja fyrir í næstu viku.