Í gær hélt körfuknattleiksdeild Þórs á Akureyri körfuknattleikskynningu fyrir íþróttakennara á Akureyri. Kynningin var í íþróttahúsinu á Bjargi og var haldin af því tilefni að frí var í skólum vegna Öskudagsins. Íþróttakennararnir höfðu óskað eftir að fá leiðsögn í körfuknattleiksfræðunum frá Julian Martinez Alman, þjálfara mfl. karla.

Að sögn Julian gekk kynningin vonum framar. Hann sagðist hafa sýnt íþróttakennurunum öðruvísi körfuknattleiksæfingar en þeir væru vanir og hvernig byggja mætti upp íþróttatíma þar sem körfuknattleikur væri tekinn fyrir.

Af vef Þórsara.