Catawba tapaði 79-71 fyrir Wingate í South Atlantic-deild 2. deildar bandarísku háskólameistarakeppninnar í gærkvöldi. Þetta var sjöundi tapleikur Catawba í deildinni og sá fimmtándi í það heila. Sigurleikirnir eru hins vegar fjórir í deildinni og níu í það heila.

Helgi Már Magnússon landsliðsmaður lék vel fyrir Catawba í leiknum þrátt fyrir tapið. Hann var með tvöfalda tvennu í leiknum, 12 stig og 12 fráköst.