FIBA hefur ákveðið hvar úrslitakeppnir deildanna í Evrópubikarnum - final four - fara fram.
Vesturdeildin sem Keflavík tók þátt í verður leikin í Toulon í Frakklandi 2. og 3. mars. Þar mætast Clube Atletico og Ovarense frá Portúgal í fyrri leiknum og Hyeres Toulon og SAOS Dijon frá Frakklandi í síðari leiknum. Ovarense og Dijon voru einmitt mótherjar Keflvíkinga í keppninni. Leikið verður 2. og 3. mars næstkomandi.

Sigurvegari Vesturdeildarinnar mun svo taka þátt í úrslitakeppni um Evrópubikarinn sem haldin verður 27. og 28. mars.

Liðin sem mætast í Norðurdeildinni eru BC Valmeira frá Lettlandi og Dynamo Moskva frá Rússlandi annarsvegar og Arsenal Tula og Avtodor Saratov frá Rússlandi hinsvegar. Mótið verður haldið í Tula í Rússlandi 28. og 29. febrúar

Í miðdeildinni mætast TSK Wurzburg og Mitteldeutscher BC frá Þýskalandi og Debreceni Vadakasok frá Ungverjalandi og SW Brno frá Tékklandi. Mótið verður haldið í Debreceni í Ungverjalandi 28. og 29. febrúar.

Í suðurdeildinni sem haldin er í Izmir í Tyrklandi mætast Keravnos Keo frá Kýpur og Fersped Rabotnicki frá Makedóníu annarsvegar og Tuborg Pilsner og Fenerbahce frá Tyrklandi hinsvegar. Leikið verður 28. og 29. febrúar.