Kristinn Óskarsson körfuknattleiksdómari dæmdi í gær og fyrradag tvo leiki í Evrópukeppnum félagsliða á vegum FIBA-Europe. Þetta var í annað sinn sem Kristinn dæmir á vegum FIBA-Europe í vetur.

Í fyrradag dæmdi Kristinn leik Paris Basket Racing (PSG) og Anwil frá Póllandi í B-riðli meistaradeildarinnar, en leikurinn fór fram í París. Anwil er sem stendur í efsta sæti riðilsins, en París í því neðsta. Anwil vann nauman sigur á PSG 75-80.

Í gær dæmdi Kristinn leik USO Basket gegn Kozachka - Zalk frá Úkraínu í milliriðli E í Bikarkeppni kvenna í Mondeville. Þeim leik lauk með 75-55 sigri heimaliðsins.

Meðdómari Kristins í leikjunum tveimur var Portúgalinn José Araujo.