Friðrik Stefánsson úr UMFN var valinn besti leikmaður Stjörnuleiks KKÍ sl. laugardag. Friðrik skoraði 18 stig og tók 14 fráköst fyrir Stakkavíkurliðið úr suðri sem sigraði í leiknum 136-133.

Stakkavíkur-liðið náði góðri forystu í fyrsta leikhluta 44-17, en Essó-liðið úr norðri vann jafnt og þétt upp muninn. Staðan var 64-52 í hálfleik og 101-88 eftir þriðja leikhluta. Minnstu munaði að Essó-liðið næði að jafna leikinn undir lokin.