Stjórn Körfuknattleikssambands Íslands hefur valið Jón Arnór Stefánsson leikmann með Dallas Maveriks í NBA-deildinni í Bandaríkjunum. Stjórnin valdi einnig Signýju Hermannsdóttur leikmann með Isla de Tenerifes í 2. deild kvenna á Spáni körfuknattleikskonu ársins.

Jón Arnór er aðeins annar Íslendingurinn frá upphafi sem nær þeim frábæra árangri að semja við lið í NBA-deildinni. Það eru 450 milljónir iðkenda í körfuknattleik sem alla dreymir um að leika í NBA-deildinni. Það sem gerir þennan árangur enn glæsilegri er að Jón semur við eitt af toppliðum deildarinnar, þangað sem aðeins allra bestu leikmenn heimsins komast.
Jón Arnór lék ekkert með landsliði Íslands í sumar þar sem hann átti við meiðsli að stríða.

Signý Hermannsdóttir er ein örfárra körfuknattleikskvenna sem hefur leikið í atvinnumennsku í körfuknattleik.
Signý lék fyrri hluta árs með háskólaliði í Bandaríkjunum þar sem hún stóð sig mjög vel. Í sumar var hún einn af lykilmönnum íslenska landsliðsins í körfuknattleik sem lék m.a. á smáþjóðaleikunum. Í haust samdi hún svo við spænska félagið og hefur leikið mjög vel með liðinu. Er m.a. á meðal stigahæstu og frákastahæstu leikmanna liðsins.