KR sigraði UMFG í leik Íslandsmeistara og bikarmeistara í KR-húsinu á sunnudagskvöld, 75-72. Þar með eru KR-ingar meistarar meistaranna í fyrsta skipti.
Leikurinn var til styrktar Tourette-samtökunum, en alls komu 170 þúsund í kassann. Vonandi að þeir peningar nýtist samtökunum sem best.
Ólafur Jón Ormsson var stigahæstur KR-inga í leiknum með 21 stig, auk þess hirti hann 11 fráköst og stal 5 boltum. Jónatan Bow kom næstur KR-inga með16 stig og Jón Arnór Stefánsson gerði 15.
Hjá UMFG var Kim Lewis atkvæðamestur með 24 stig og 12 fráköst, en Dagur Þórisson gerði 18.
Tölfræðiskýrsla leiksins er undir nýjustu úrslit.