Búið er að ráða í allar þjálfarastöður landsliða KKÍ fyrir komandi ár og þau verkefni sem framundan eru. Árið í ár er stærsta landsliðsár KKÍ frá upphafi sambandsins þar sem lið í U15, U16, U18 og U20 drengja og stúlkna fara öll í mót í sumar og U16 og U18 liðin fara í Evrópukeppni að auki.

Þá munu landslið karla og kvenna standa í ströngu með þátttöku á Smáþjóðaleikum í júní, karlar á lokamóti EM í haust og undankeppni EM í haust hjá konunum.

U20 karla
Erik Olson hefur verið ráðin aðstoðarþjálfari U20 ára landsliðs karla og verður því Finni Frey Stefánssyni til aðstoðar í sumar.

Erik er þjálfari FSu á Selfossi en hann hefur áður þjálfað lið í Ástralíu og verið aðstoðarþjálfari U18 úrvalsliðs Bandaríkjanna fyrir nokkrum árum.
KKÍ bíður Erik velkominn til starfa.

Þjálfarastöður allra landsliða KKÍ 2014-2015 eru þannig skipaðar:
Landslið karla: Craig Pedersen, Arnar Guðjónsson og Finnur Freyr Stefánsson.
Landslið kvenna: Ívar Ásgrímsson, Margrét Sturlaugsdóttir og Bjarni Magnússon.

U20 karlar: Finnur Freyr Stefánsson og Erik Olson.
U20 kvenna: Bjarni Magnússon og Andri Kristinsson.

Einar Árni Jóhannsson er yfirþjálfari yngri landsliða KKÍ sem miðast við U18 og yngri.

U18 karlar: Einar Árni Jóhannsson og Skúli Þórarinsson.
U18 kvenna: Jón Guðmundsson og Bylgja Sverrisdóttir.

U16 drengja: Ingi Þór Steinþórsson og Viðar Hafsteinsson.
U16 stúlkna: Margrét Sturlaugsdóttir og Atli Geir Júlíusson.

U15 drengja: Jóhannes A. Kristbjörnsson og Sævaldur Bjarnason.
U15 stúlkna: Helena Sverrisdóttir og Ingvar Þór Guðjónsson.

Þá er Jóhannes Már Marteinsson, Atlas sjúkraþjálfun, orðinn yfirsjúkraþjálfari KKÍ og ráðgefandi varðandi allt sem snýr að þeim málum. Gunnar Einarsson og Baldur Þór Ragnarsson eru styrktarþjálfarar KKÍ og verða með ráðgjöf til yfirþjálfara ásamt því að sinna öðrum verkefnum landsliða í sumar.