Alba Torrens, leikmaður Spánar og Galatasaray odeabank í Tyrklandi, er besti leikmaður kvenna í Evrópu 2014.

FIBA Europe stóð fyrir kjörinu að venju og eru niðurstöður fengnar eftir atkvæðum frá almenningi og valnefnd sérfræðinga.

Torrens var einnig valin best árið 2011 og besti ungi leikmaðurinn árið 2009, en hún er aðeins 25 ára gömul.

Torrens átti frábært ár með félagsliði sínu og landsliði á árinu 2014. Hún fór fyrir liði sínu í apríl þegar hún vann Euroleague og var valin MVP keppninnar í 8-liða úrslitunum. Þá varð Galatasary tyrkneskur meistari eftir sigur gegn erkifjendum sínum í Fenerbahce í úrslitunum en tyrkneska deildin er feikisterk.

Um sumarið keppti hún á HM og var valin í 5-manna úrvalslið mótsins en hún var næst stigahæst á mótinu (15.5 stig) og hlaut silfur með spænska landsliðinu.

Í öðru sæti í kjörinu var hin spænska Sancho Lyttle sem var kjörin best í fyrra og Ana Dabovic frá Serbíu varð þriðja í kjörinu í ár.