Keflavík tapaði naumlega fyrir Madeira 107-108 í síðasta leik sínum í bikarkeppni Evrópu í gærkvöldi. Á sama tíma tapaði Ovarense fyrir Toulon 77-80 sem þýðir að Keflavík endaði í þriðja sæti riðilsins.

Nick Bradford var stighæstur Keflvíkinga með 38 stig, Derrick Allen var 28 stig, Jón Nordal Hafsteinsson 17, Gunnar Einarsson 11, Arnar Freyr Jónsson 8 og Magnús Þór Gunnarsson 5. Falur Harðarson gat ekki leikið með í leiknum vegna meiðsla.

Nánar á vefjum Keflavíkur og FIBA-Europe.

Ovarense sigraði í riðlinum, en Toulon varð í örðu sæti, Keflavík í því þriðja og Madeira í fjórða sæti. Í næstu umferð keppninnar mætir Keflavík franska liðinu Dijon, en leikir liðanna verða í Frakklandi 20. janúar og í Keflavík 23. janúar.

Íslenskt félagslið hefur áður mætt Dijon í Evrópukeppni. Haukar drógust á móti þessu liði í Evrópukeppni félagsliða árið 1993. Haukar töpuðu naumlega í Hafnarfirði 83-90, en stórt úti, 118-65.

Nánar um þátttöku íslenskra félagsliðs í Evrópukeppni.