Í gær var formlega kynnt forsala miða fyrir EuroBasket næsta haust þar sem miðar sem KKÍ óskaði eftir til dreifingar voru settir í sölu.

Viðtökurnar hafa verið slíkar að núna eru allir 400 miðarnir farnir og pantaðir sem voru til taks.

KKÍ hefur óskað eftir að fá fleiri miða og bíður eftir svörum frá mótshöldurum í Þýskalandi og þá miða sem gilda á alla leiki á mótinu. Vonast er eftir svörum um sem fyrst en þau gætu borist eftir helgina.

Það er frábært að sjá hversu það er eftirsótt að fylgja strákunum okkar á EM en því miður var ekki hægt að fá fleiri miða eins og KKÍ óskaði eftir í upphafi og eins og áður segir er verið er að vinna í því að fá fleiri miða.

Almenn miðasala hefst á mánudaginn
Almenn miðasala hjá mótshöldurum hefst á mánudaginn kl. 10.00 að þýskum tíma hérna á vef O2world-hallarinnar.

Þeir sem hafa áhuga geta farið á biðlista með því að senda póst á kki@kki.is og þannig að ef fleiri miðar verða í boði að þá verði að hafa samband og hægt að útdeila þeim um leið og það liggur fyrir.