Nú er stóra stundin runnin upp en miðasala á EuroBasket 2015 í B-riðil Íslands er hafin.

KKÍ hefur tekið frá miða fyrir íslenska áhorfendur á besta stað og með því móti sitja allir saman sem kaupa miða í gegnum KKÍ í O2-Arena þar sem leikirnir fara fram. Sætin og miðarnir eru öllum tilfellum í „Category 1“.

Icelandair, FA-travel, Gaman Ferðir og ÍT-ferðir bjóða uppá „pakkaferðir“ og er misjafnt hvort miðar eru innifaldir í pökkum þeirra eða ekki en ef miðar eru í pökkum þeirra þá eru það miðar á sama svæði og þeir miðar sem eru keyptir hjá KKÍ.
Það er takmarkað magn af miðum í boði sem KKÍ fékk og því þarf að hafa hraðar hendur við að panta miðana. Almenn miðasala hjá mótshöldurum í Berlín hefst eftir helgi og gera þeir ráð fyrir að miðarnir fari mjög hratt.

Miðaverð er 53.000 kr. fyrir ALLA leiki í riðlinum (15 leikir) og 36.000 kr. á „bara“ leiki ÍSLANDS. Miðarnir á vegum KKÍ eru í besta sætaflokki sem í boði eru.

Hvernig á að kaupa miða eingöngu hjá KKÍ
Senda pöntun á kki@kki.is og taka þarf fram nafn, símanúmer og netfang. Hægt er að leggja inn á reikning KKÍ 0121-26-1369 og kennitala: 710169-1369 eða koma við á skrifstofu KKÍ á miðvikudaginn næsta þann 21. janúar milli kl. 09:00-17:00 og greiða með reiðufé eða greiðslukorti.

Hvernig á að kaupa miða og flug hjá Icelandair
Sjá sölusíðu viðburðarins hérna á vef Icelandair.is

Í boði er hjá Icelanadair flug + miðar á eingöngu á alla leiki Íslands (5 leikir) eða flug + miðar á alla leiki riðilsins (15 leikir)

Aðrir aðilar sem eru að selja pakkaferðir á EM:
Gaman ferðir · gaman.is
FA travel · fatravel.is
ÍT ferðir · itferdir.is