Mánudaginn 22.desember verður haldinn eins dags körfuknattleiksskóli í DHL-Höllinni við Frostaskjól. Hugmyndin á bak við skólann er að gefa hverju undirstöðuatriði fyrir sig meiri tíma en gefst á hefbundum 1 klst. æfingum. Einnig verða nokkrir þjálfarar ásamt leikmönnum úr meistaraflokki karla til staðar og því fær hver einstaklingur meiri athygli en vanalega og ætti því að geta bætt sína hæfileika töluvert á þessum eina degi.

Gert er ráð fyrir að búið sé að borða hollan og góðan morgunmat fyrir æfingu en auk þess eiga allir að koma með nesti fyrir morgun-, hádegis- og miðdegisverð. Æskilegt er að allir mæti með boltana sína vel merkta!

Þátttökugjald er aðeins 100 kr á mann og tilkynnist þátttaka helst í tölvupósti, kristinnth@simnet.is, eða fyrir þá sem hafa ekki aðgang að tölvupósti í síma 896-4929 eftir klukkan 16:00.

09:00-09:30 Mæting.
09:30-10:30 Hopp stopp, sóknarstaða, knattrak og stefnubreytingar.
10:30-10:45 Hlé, vatnspása og nestistími.
10:45-11:45 Sendingar, frá grunni, enda í sendingum á hreyfingu.
11:45-12:05 Varnarstaða eitt.
12:05-12:30 Matartími í Félagsmiðstöðinni Frostaskjóli.
12.30-13:00 Horft á spólu í hálftíma (Jón Arnór í NBA).
13.00-13:50 Skot æfð.
14:00-14:30 Varnarstaða tvö og fjögur.
14:30-15:00 Að hreyfa sig í sókn án bolta.
15:00-15:20 Nestistími.
15:20-16:30 Mót, leikið á tveimur völlum. Skipt eftir aldri og getu.
16:30-17:00 Einstaklingskeppnir eftir aldri.
17:00 Skólanum slitið.

Þjálfarar: Kristinn Þorvaldsson, Stefán Arnarsson, Sigurður Hjörleifsson, Ingi Þór Steinþórsson og Tómas Hermannsson.