Undanfarna daga hefur mikið af fyrirspurnum borist til KKÍ varðandi miðasölu fyrir riðil strákanna okkar á lokamóti EM, EuroBasket 2015, í Berlín og er ánægjulegt að finna þennan mikla áhuga.

Miðasalan mun hefjast í byrjun janúar fyrir okkar riðil (B-riðil) en til að það sé öruggt að allir Íslendingarnir sem mæta svæðið sitji saman en ekki á víð og dreif um höllina mun KKÍ taka frá nægan miðafjölda og selja í janúar á skrifstofunni.

Einnig er verið að skoða flug og hótel en boðið verður uppá sérstök áhorfendahótel sem KKÍ mun hafa aðgang að fyrir sína stuðningsmenn enn verið er að bíða eftir upplýsingum frá mótshöldurum.

Það liggur því miður ekkert endanlegt fyrir með þessa hluti en það mun allt verða ljóst í byrjun janúar og þá setjum við frekari upplýsingar hér á kki.is.