Sigmundur Már Herbertsson mun í kvöld dæma í EuroChallenge Evrópukeppninni en en leikurinn verður spilaður í Svíþjóð og er það leikur Boras Basket frá Svíþjóð og Okapi Aalstar frá Belgíu. Þetta er annar leikur liðanna í keppninni en bæði lið unnu sinn fyrsta leik í keppninni.

Meðdómarar Sigmundar í kvöld eru Marek Maliszewski frá Póllandi og Chritoph Rohacky frá Austurríki. Eftirlitsmaður er Winfred Gintchel frá Þýskalandi.

Í síðustu viku var Pétur Hrafn Sigurðsson eftirlitsmaður í Finnlandi á leik KPT frá Kotka og Bonprix Biella frá Ítalíu.

Leifur S. Garðarsson dæmir í næstu viku leik Kataja Basket frá Finnlandi sem mætir Benfica frá Portúgal.