KKÍ hefur sett á fót B-deild kvenna í körfuknattleik. Fimm lið eru skráð til leiks en það eru Breiðablik, Grindavík, Höttur/Sindri, Keflavík og Snæfell.

Fyrirkomulagið er fimm liða deild með einni umferð sem gerir fjóra leiki í heild sinni á mótinu á lið. Á laugardaginn verða spilaðir tveir leikir á lið og svo verða hinir tveir leikirnir spilaðir 14. mars og tilkynnist staðsetning á þeim leikjum síðar. Tvö efstu liðin fara í úrslitaleikinn sem verður í Kennaraháskólanum 18. apríl.

Mótið um helgina fer fram í Smáranum í umsjón Breiðabliks.

Dagskráin þessa helgi:
Kl. 12.30 Breiðablik – Keflavík
Kl. 13.45 Grindavík – Snæfell
Kl. 15.00 Höttur – Keflavík
Kl. 16.15 Breiðablik – Snæfell
Kl. 17.30 Grindavík - Höttur

Reglur:
Lengd leikja verður 4x8 mínútur. Allar aðrar leikreglur gilda.
Tíu mínútuhæstu að meðaltali leikmenn meistaraflokks eru ólöglegir. Er miðað við spilatíma á Íslandsmóti.

Myndbrot frá fyrsta leiknum má sjá á Facebook síðu KKÍ.

Myndir frá deginum má sjá á Facebook.