Á síðasta ári tók ÍSÍ að sér að greiða bætur vegna íþróttaslysa. Greiðslur eru 80% sjúkraþjálfunar- og lækniskostnaði vegna íþróttaslyss. Ekki er endurgreitt vegna lyfjakostnaðar, útgáfu vottorða eða vegna sjúkraflutningakostnaðar, tannviðgerða eða stoðtækjakaupa. Að sögn starfsmanna ÍSÍ eru mörg félög innan hreyfingarinnar ekki að nýta sér þennan rétt.

KKÍ vill benda félögunum á þennan rétt, en íþróttamenn yfir 16 ára aldri sem meiðast í keppni eða á æfingum undir stjórn þjálfara, þar sem markmiðið er að taka þátt í keppni, eiga rétt á þessum bótum. Af þeim 400 íþróttafélögum sem í landinu eru hafa aðeins um 50 nýtt sér þennan rétt.

Þess má geta að íþróttamenn undir 16 ára aldri eru á ábyrgð foreldra sinna og því þurfa þeir að kynna sér sinn rétt hjá sínu tryggingarfélagi. Einnig má geta þess að ÍSÍ áskilur sér rétt til að hafna erindum um bætur vegna íþróttamanna sem eru 30 ára og eldri.

Nánar um slysatryggingar íþróttamanna á vef ÍSÍ.