Kristinn Óskarsson körfuknattleiksdómari hefur fengið tilnefningu um að dæma tvo Evrópuleiki í Frakklandi í lok janúar. Þetta er önnur tilnefning Kristins frá FIBA-Europe í vetur.

Þann 20. janúar dæmir Kristinn leik Paris Basket Racing (PSG) og Anwil frá Póllandi í B-riðli meistaradeildarinnar, en leikurinn fer fram í París. Anwil er sem stendur í efsta sæti riðilsins, en París í því neðsta.

Daginn eftir þann 21. janúar dæmir Kristinn leik USO Basket gegn Kozachka - Zalk frá Úkraínu í milliriðli E í Bikarkeppni kvenna í Mondeville.

Meðdómari Kristins í leikjunum tveimur er portúgalskur og heitir José Araujo.