Laugardaginn 19. ágúst nk. mun Jim Baker halda þjálfaranámskeið í Smáranum í Kópavogi. Námskeiðið mun verða frá klukkan 09.00 til 17.00. Hádegishlé verður tekið klukkan 11.30 og námskeiðið heldur áfram klukkan 13.00. Það verður fjölbreytilegur pakki af fyrirlestrum og eiga allir að finna eitthvað við sitt hæfi. Einstaklingsæfingum verður gerð góð skil þar sem yngri flokka þjálfarar geta bætt í safnið sitt. Einnig verður að finna hluti fyrir þá sem eru lengra komnir. Jim Baker er eigandi Time Out tímaritsins sem fjallar um körfuknattleilksþjálfun og auk þess þjálfari Catawba College í North-Carolina. Þátttökugjald í námskeiðinu er kr. 1.500 og er hádegismatur þar innifalinn. Skráning er hjá Friðrik Inga á fingi@toto.is