Jón Arnór Stefánsson og félagar hans í liði Dallas Mavericks sem ekki eru Bandaríkjamenn, þeir Dirk Nowitzky (Þýslalandi), Steve Nash (Kanada), Eduardo Nájera (Mexíkó) og Tariq Abdul-Wahad (Frakklandi) munu á föstudaginn safna fé fyrir Barnahjálp Sameinuðu þjóðanna með því að gefa eiginhandar áritanir.

Dallas og UPS hafa tekið höndum saman um að safna fé fyrir UNICEF og munu leikmennirnir árita myndir eða annað gegn 20$ eða hærri upphæð. UPS mun síðan láta jafnmikið fé af hendi rakna og leikmennirnir safna eða allt að 5.000$.

Barnahjálpin mun nota féð til að koma börnum og mæðrum þeirra í stríðshrjáðum löndum eins og Kongó, Afganistan, Líberíu og Írak til hjálpar. Meirihluti flóttamanna frá stríðshrjáðum löndum eru konur og börn.