Leik KFÍ og Tindastóls í Intersportdeildinni var frestað í gærkvöldi þar sem ekki tókst að lenda flugvélinni með dómarana innanborðs á Ísafirði vegna þoku. Voru Tindastólsmenn mættir til Ísafjarðar tilbúnir í leikinn.

Leikurinn hefur verið settur á í kvöld kl. 19.15 og eru dómarar lagðir af stað í flugi vestur.

Leikirnir í Intersportdeildinni í gærkvöld voru allir æsispennandi og réðust úrslit allra leikjanna ekki fyrr en á lokamínútunum. Hægt er að skoða úrslitin og tölfræði leikjanna hér.