© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
     
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
2.9.2003 | 22:57 | óój
Íslendingur í NBA-deildinni á ný - Jón Arnór samdi við Dallas Mavericks
Jón Arnór Stefánsson hefur samið við lið Dallas Mavericks í NBA-deildinni í körfubolta og mun leika með liðinu í vetur. Íslendingar eignast þar með leikmann Í NBA á ný en Pétur Guðmundsson lék þar með Portland Trailblazers, LA Lakers og San Antonio Spurs á árunum 1981 til 1989. Jón Arnór hefur þar með á einu ári tekið stökkið úr íslensku úrvalsdeildinni og upp í bestu deild í heimi með viðkomu í þýsku úrvalsdeildinni. Það má finna frétt um samning Jóns Arnórs á heimasíðu Dallas, sjá hér.

Jón Arnór var í nýliðavalinu í sumar en var þá ekki valinn en það var ljóst frá upphafi að hann var inn í framtíðarplönum Dallas Mavericks. Jón Arnór er nú orðinn einn fjölmargra erlenda leikmanna hjá Dallas-liðinu en þar eru einnig leikmenn frá Þýskalandi (Dirk Nowitzki), Kanada (Steve Nash), Mexíkó (Eduardo Najera), Frakklandi (Tariq Abdul-Wahad) and Tékklandi (Jiri Welsch).

Dallas leikur fyrsta leikinn á undirbúningstímabilinu gegn Utah Jazz sem fram fer í Mexíkóborg 5. október en fyrsti leikur liðsins á tímabilinu verður gegn LA Lakers í Staples Center 28. október sem verður einmitt fyrsti leikur Karl Malone og Gary Payton með Lakers-liðinu. Það má finna dagskránna hjá Dallas næsta vetur hér.

Á síðasta tímabili lék Jón Arnór með Trier í þýsku Bundesligunni og skoraði þar 13 stig að meðaltali auk þess að gefa 2.7 stoðsendingar og taka 2.8 fráköst í leik. Jón Arnór var þriðji í stigaskorun hjá Trier og annar í stoðsendingum, stolnum boltum (1,32 í leik) og þriggja stiga körfum.

Eftir því sem næst verður komist verður Jón Arnór fjórði Norðurlandabúinn til að leika í NBA-deildinni. Auk Pétur Guðmundssonar hafa leikið þar Norðmaðurinn Torgeir Bry (3 leiki fyrir LA Clippers) og Finnann Hanno Mättölä sem lék um skeið með Atlanta Hawks.
Mótayfirlit
Mótayfirlit allra flokka
Fyrst körfuboltalið íslenskra starfsmanna á Keflavíkurflugvelli, Vikings, árið 1950.  Aftari röð frá vinstri: John Smith, Guðmundur Pétursson, Hörður Sumarliðason, Kristján Júlíusson, Friðrik Bjarnason og Hal Cromie.  Fremri röð frá vinstri: Hjálmar Guðmundsson, Pétur Guðmundsson og Ingi Gunnarsson.  John og Hal voru starfsmenn Lockheed og þjálfuðu íslensku strákana.
DómarahorniðLeiðararTölfræðiSaganViðtalið