Promotion cup, alþjóðlegt mót unglingalandsliða kvenna á vegum FIBA-Europe, hefst að Ásvöllum í Hafnarfirði í dag. Ísland mætir Gíbraltar kl. 19:00, en opnunarathöfn mótsins hefst kl. 18:30.

Á undan opnunarathöfninni mætast Skotland og Andorra, en sá leikur hefst kl. 17:00. Malta á frí í dag, en mætir Gíbraltar á morgun kl. 17:00. Ísland leikur þá gegn Andorra kl. 19:00.

Upplýsingar um mótið er að finna á síðu mótsins, en linkur á þá síðu er hér til vinstri á KKÍ-vefnum. Þá er linkur á úrslitasíðu mótsins hér til hægri á KKÍ-vefnum undir "Annað".