Golfmóti KKÍ lauk nú kl. 20.30 í Leirunni hjá Golfklúbbi Suðurnesja. Metaðsókn var í mótið og tóku 64 einstaklingar þátt. Baráttan um sigurinn var hörð að venju. Er þetta í 6. sinn sem mótið er haldið og tóku 13 einstaklingar þátt í fyrsta mótinu.

Sigurvegari án forgjafar var Nökkvi Gunnarsson með 32 punkta. Í öðru sæti varð Kristínn Óskarsson með 28 og félagin hans úr dómgæslunni, Jón Halldór Eðvaldsson varð þriðji með 27 punkta.
Sigurvegari með forgjöf varð Kristinn Friðriksson stórskytta úr Tindastóli með 38 punkta, Ívar Ásgrímsson varð annar með 37 og Egill Ólafsson varð í þriðja sæti með 36 punkta.

Mótið tókst sérstaklega vel, veðrið gott og mótstjórn í öruggum höndum formanns mótanefndar Ríkharðar Hrafnkelssonar. Í lokin voru dregin út fjöldi aukaverðlauna þannig að flestir fóru heim sáttir í lokin. Mótið verður svo auðvitað haldið að sama tíma að ári.