Jón Arnór Stefánsson landsliðsmaður í körfuknattleik er á meðal þeirra leikmanna sem gefa kost á sér í nýliðaval NBA-deildarinnar í ár. Valið fer fram í New York þann 26. júní nk.

NBA-deildin hefur sent frá sér lista yfir þá leikmenn sem gefa kost á sér í ár, en alls eru á listanum 42 leikmenn háskóla og framhaldsskólaliða í Bandaríkjunum og 31 leikmaður sem leikur utan Bandaríkjanna.

Jón Arnór, sem leikur með Trier í efstu deidl í Þýskalandi er meiddur á hné og verður ekki með íslenska landsliðinu í vináttuleikjunum gegn Norðmönnum um næstu helgi. Þá er ekki víst að hann geti leikið með landsliðinu á Smáþjóðaleikunum á Möltu í byrjun júní.

Ekki er öruggt að allir þeir leikmenn sem á listanum eru nú, verði í nýliðavalinu þegar að því kemur. Leikmennirnir hafa til 19. júní tala að drega sig út af listanum.

Skoða listann.