Undir greinum hér vinstra megin á síðunni má nú finna ýmsar greinar sem teknar hafa verið saman um ýmsa staðreyndir í sögu körfuboltans.
Þar er t.d. grein sem einblínir á árangur þjálfara í úrvalsdeild, lokaúrslit og árangur í úrslitakeppnum yngri flokka, sem og bikarkeppni yngri flokka.
Í greininni um þjálfarana sem er að mestu lokið, allar greinar eru þó í stöðugri þróun, má finna ýmsar skemmtilegar staðreyndir.
125 þjálfarar hafa þjálfað í úrvalsdeild, reyndar hafa ekki fundist upplýsingar um hver þjálfaði Fram 3 síðustu leikina þeirra 1987.
Enginn þjálfari hefur orðið Íslandsmeistari sem þjálfari oftar en þrisvar en alls hafa 14 þjálfarar stýrt liðum til Íslandsmeistaratitils og það bætast aðeins 5 nöfn í viðbót ef athugað er hversu margir hafa komið liðum í lokaúrslit.
Valur Ingimundarson er sá þjálfari sem þjálfað hefur flest tímabil, alls 13 tímabil en Friðrik Ingi Rúnarsson kemur honum næstur með 11. Hann er jafnfram sá sem stýrt hefur liði oftast til sigurs, 196 sinnum í deildinni og 54 sinnum í úrslitakeppni.