Lokahóf KKÍ verður haldið í Stapanum í Njarðvík í kvöld. Þar verða afhent einstaklingsverðlaun ársins, en það eru leikmenn sem hafa valið þá sem skarað hafa fram úr.

Hápunktur kvöldsins er þegar tilkynnt verður hvaða einstaklingar hafa verið valdir bestu leikmenn Intersport-deildar og 1. deildar kvenna. Í fyrra voru það Jón Arnór Stefánsson KR og Alda Leif Jónsdóttir ÍS sem urðu fyrir valinu.

Húsið opnar kl. 19 og borðhald hefst kl. 20.Skemmtiatriði verða á dagskrá kl. 22:15 og verðlaunaafhending hefst kl. 23:00. Að þeim loknum verður dansleikur með hljómsveitinni „Í svörtum fötum“ og Páli Óskari.