Lokahóf KKÍ verður haldið í Stapanum í Njarðvík á morgun 16. apríl nk. Í hófinu verða afhent einstaklingsverðlaun fyrir keppnistímabilið sem senn er á enda, bæði fyrir tölfræðiþætti og eins þá þætti sem leikmenn velja sjálfir.

Hljómsveitin „Í svörtum fötum,“ sem nýlega var valin besta danshljómsveit landsins, mun leika fyrir dansi. Þess má geta að gestasöngvari mun troða upp með hljómsveitinni, en það er enginn annar en Páll Óskar Hjálmtýsson. Hann mun einnig sjá um að þeyta skífur (DJ) eins og honum einum er lagið.

Verð miða í hófið er 4.500 kr. Miðapantanir eru í veitingahúsinu Stapanum í síma 421 2526. KKÍ vill benda félögunum á að panta miða á hófið fyrr en seinna.

Matseðill: Rjómalöguð aspassúpa, glóðað lambafillet með rösti kartöflum og villispeppasósu, eftirréttur að hætti KKÍ.

Í tilefni af hófinu bíður Hótel Keflavík uppá sérstakt tilboð í gistingu. Verð á tveggja manna herbergi er kr. 6.200. Hægt er að bóka herbergi hjá Hótel Keflavík í síma 420 7000